Қазақстан Республикасы Президентінің Іс басқармасы корпоративтік мәдениетті нығайту және тәлімгерлік жұмысты дамыту мақсатында ведомстволық қарасты 17 ұйымның арасында «Үздік таныстыру кітабына» конкурс өткізді. Қазақстан Республикасы Президентінің Іс басқармасы Медициналық орталығының «Қарлығаш» балабақшасы» РМК-ның «Таныстыру кітабы» қазылар алқасының тұжырымы бойынша 3-ші орынға ие болғанын қуана хабарлаймыз.
Біздің кітап жұмысқа жаңадан тұрған қызметкерлер кәсіби ортаға тез бейімделуі үшін қажетті барлық ақпаратты ұсынады. «Таныстыру кітабында» «Қарлығаш» балабақшасының тату ұжымы ұстанатын құндылықтар мен қағидаттар берілген. Сондай-ақ ұжымдағы ауызбіршілік пен жарасымдылықтың біз үшін жай сөз емес екендігінің қарапайым дәлелі болатын біздің педагогтар мен тәрбиеленушілеріміздің жетістіктері таныстырылған. Барлығыңызды осынау айтулы жетістікпен құттықтаймыз!
