Осыдан бір жыл бұрын, 2019 жылғы 6 қыркүйекте Қазақстан Республикасы Президенті Іс басқармасы басшылығының тапсырмасы бойынша және Қазақстан Республикасы Президенті Іс басқармасы Медициналық орталығының «Қарлығаш» балабақшасы» ШЖҚ РМК директорының №409 бұйрығы негізінде жаңа құрылымдық бөлімше - Ресурстық-білім беру орталығы құрылған болатын.
РББО ұжымы - мектепке дейінгі білім беру және қосымша білім беру саласындағы ҚР Мемлекеттік жалпыға міндетті білім беру стандарттарына сәйкес әдістемелік жұмыстар жүргізуде және тәрбие-білім беру процесін ұйымдастыруда мол тәжірибесі бар жоғары білікті педагог қызметкерлерден жасақталған.
РББО қызметінің мақсаты - Кәсіпорынның стратегиялық мақсаттарына қол жеткізу. Құрылған бір жылдың ішінде РББО ҚР БҒМ «Мектепке дейінгі балалық шақ» республикалық орталығымен, Болат Өтемұратов Қорының «Асыл Мирас» Аутизм орталығымен, Назарбаев Университетімен, Нұр-Сұлтан қаласының №1 ПМПК кабинетімен, «Дара» қорымен және т.б. мүдделі ұйымдармен қарым-қатынас орнатты. Кәсіпорынның басшы, педагогикалық және медициналық кадрлары үшін әртүрлі нысандағы ішкі оқыту іс-шаралары ұйымдастырылып, өткізіліп тұрады.
Мектеп жасына дейінгі балаларды оқытудың заманауи әдістері мен технологиялары бойынша үнемі іздену, балаларды тәрбиелеу, оқыту және сауықтыру процесіне деген жұмыс бағытын өзгерту, қызметкерлерді оқыту мен олардың өзін-өзі дамыту форматтарын қайта қарау, Кәсіпорын балабақшаларының нормативтік-құқықтық және әдістемелік ресурстарын жаңарту - РББО жұмысының маңызды бағыты болып табылады. Оған қоса, РББО мамандары Кәсіпорын педагогтарына тұрақты әдістемелік көмек көрсетеді.
РББО қызметін ілгерілету және жариялау мақсатында әлеуметтік желілерде аккаунттар ашылды: Instagram (құрылған күні - 5 наурыз), Facebook (құрылған күні - 13 наурыз). Сондай-ақ, жаңалықтармен таныстыру, практикалық тәжірибелермен алмасу және оларды талқылау мақсатында Facebook желісінде «Практик-педагогтердің қауымдастығы» құрылды. Және Кәсіпорынның 10 жылдығына арналған және ҰОС Жеңісінің 75 жылдығына орай «РББО Хабаршысы» журналының 2 нөмірі жарық көрді.
Ресурстық-білім беру орталығы баршаңызды ынтымақтастыққа шақырады! РББО әрқашан диалогқа ашық!
