English week in Qarlygash!

2021 жылғы 18-22 қаңтар аралығында Кәсіпорын балабақшаларында Ағылшын тілі апталығы өтті. Аптаның әр күні түрлі іс-шаралар өткізіліп, атап айтқанда, «Travel to England» - Англияға саясат, шағын мұражайға виртуалды саяхат ұйымдастырылды, Англия туралы видео вөрсетілді, Англияның көрнекті жерлерінің суреттерін бояу сабағы ұйымдастырылды. Сондай-ақ, «Disneyland» таныстырылымы өткізіліп: Дисней корпорациясы, оның негізін қалаушы Уолт Дисней туралы презентациялар, мультфильмдер көрсетілді, ойындар ойналды, Дисней кейіпкерлерінің әндері орындалды, жұмсақ текшелерден қамал тұрғызылды, сонымен қатар сүйікті Дисней кейіпкерлерін бояу шарасы өткізілді. Балалар Англия мен Диснейленд туралы жаңа білім алып қана қоймай, ағылшын тілінде мәнерлеп өлең оқудан «English poems» видеочелленджін өткізді, логикаға және ағылшын тілінен тапсырмалар орындауға арналған «Brain-Ring» танымдық-командалық ойынына қатысты.