1 мамыр - Қазақстан халқының бірлігі күні

Біздің балабақшамызда Қазақстан халқының бірлігі күніне орай балаларға арналған «Ортақ біздің жеріміз» атты мерекелік ойын-сауық шарасы ұйымдастырылды. Топтар мерекеге арнап әуе шарларымен, гүлдермен, көктем және халықтар достығы туралы суреттермен безендірілді. Мереке кезінде балабақшада қуаныш пен шаттыққа толы атмосфера сақталды. Балалар топқа «Достарым» әуенімен кірді. Тәрбиеленушілер «Бірлік күні», «Әрқашан күн сөнбесін», «Дос болайық бәріміз» әндерін шырқады, «Халықтар достығы» биін биледі, халықтың достығы туралы өлеңдер оқыды. Неміс халық ойынын, украин халық ойынын ойнады. Даладағы спорт алаңында балалар қазақтың ұлттық ойынын, арабтың ұлттық ойынын қызығушылықпен ойнады. Сондай-ақ, «Ортақ біздің жеріміз» атты тақырыптық сабақтар өткізілді. Балалар өлеңдер оқып, ән айтты, саусақпен сурет салу әдісін қолдана отырып, аппликация жасады, хоровод орындады.