«Мен–Отан қорғаушымын!»

5-6 мамыр аралығында Кәсіпорын балабақшаларында Жеңіс күнін мерекелеуге арналған іс-шаралар өтті. Тәрбиешілер Ұлы Отан соғысындағы қазақстандықтардың ерлігіне арналған тақырыптық әңгімелер өткізді. Балалар Мәскеуді қорғаушы Бауыржан Момышұлының, мерген қыз Әлия Молдағұлова мен пулеметші Мәншүк Мәметованың, ұшқыш Талғат Бигелдиновтың және Рейхстаг төбесіне ту тіккен батыр Рақымжан Қошқарбаевтың ерліктерімен танысты. Сонымен қатар, келе жатқан Отан қорғаушылар күні қарсаңында педагогтер еліміздегі бейбіт өмірді қорғап отырған заманауи қазақстандық армия мен әскери мамандықтар туралы айтып берді. Бұл тақырыптық сабақтардың мақсаты: балаларды патриотизмге баулу, Отанға деген сүйіспеншілікке тәрбиелеу, олардың жүректеріне Қазақстанмен мақтану сезімін ұялату.