Спорттық жаз – 2021

Жол-қозғалысы ережелерін жай әңгімелеп бергеннен гөрі, балалар қызыға тыңдайтын ертегі түрінде немесе олар ойнайтын ойындар мен викториналар түрінде ұсынылса, оны түсінбейтін бала жоқ деп ойлаймыз! 17-21 маусым аралығында балабақшамызда «Қауіп-қатерсіз жаз мезгілі!» деген тақырыпта жол-қозғалысы ережелерін үйретуге арналған спорттық шара өтті. Балаларға қонаққа келген Катафот оларға жол қозғалысының ережелері туралы сұрақтар қойды. «Бағдаршамды құрастыр», «Жол белгілерін құрастыр және оларды атап бер» деген ойындар, самокат эстафетасы, «Ыдысқа бензин толтыр», «Кімнің таксиі тез жүреді?» деген ойындар, «Қызыл, сары, жасыл», «Аспан күмбезі», «Қонжықтар» музыкалық ойындар және жол қозғалысы ережелері бойынша білім конкурсы ұйымдастырылды. Балалар ойын түрінде жол ережелері туралы, жол белгілері туралы білімдерін бекітті, жұмбақтар шешті, өлеңдер оқыды, сөзжұмбақ шешті, жаяу жүргіншінің де, жолаушының да, жүргізушінің де ролдерін ойнады. Мереке балаларға жағымды эмоция мен жақсы әсер сыйлады!