Атақты украин педагогі В.А.Сухомлинский: «Балалардың тілі – саусақтың ұшында» деген екен. «Қол – өз алдына сыртқы ми» деп жазады Кант. Осы саладағы ғалымдардың зерттеулеріне сүйенсек, бала тілінің даму деңгейі олардың саусақ қимылдарының дамуымен тікелей байланысты.
Саусақ жаттығулары баланың:
- ми жұмысын;
- сөйлеу тілін;
- шығармашылық қабілетін;
- қиялын жетілдіреді.
Осыған орай біз тәжірибелі тәрбиеші Қарлығаш Сайтмұратқызының ата-аналарға, әріптестеріне арнап әзірлеген саусақ жаттығуларын ұсынамыз:
1. Шынжыр. Оң және сол қолдағы бас бармақ пен балан үйрек саусақтары түйісіп, жүзік секілді айқасып, шынжыр жасайды.
2. Доп. Саусақтар жиылып, бүгіліп доп пішінін жасайды.
3. Саусақтар жүреді. Екі саусақпен 5-ке дейін тура және кері санап, алға-артқа жүреді.
4. Құстар. Бұл жаттығуды құстарға қатысты тақпақ айтып отырып орындауға болады.
Ұсыным: ойын-жаттығуларын бос уақытта үйде, кез келген жерде орындауға болады.
