«Қарлығаш» балабақшасының №3 нысанында «Балалар жылы» аясында қайырымдылық жәрмеңкесі өтті. Жәрмеңкеде балалар мен ата-аналар жасаған кондитерлік өнімдер, қолөнер бұйымдары сатылды. Іс-шараға балалар мен олардың ата-аналары, сондай-ақ балабақша қызметкерлері қатысты.
Ұйымдастырушылар сатып алушылардан қолма-қол ақшаның болуын сұрады. Олар қатысушыларға валюта айырбастау пункті болатынын және қолма-қол ақшаны 100 теңгені «100 қарлығаштар» шартты валютаға айырбастау керегін алдын ала ескертті. Бағалар символдық түрде болды.
«Қарлығаш» балабақшасының директоры Бейбітгүл Қазақпаева бұл жәрмеңке барлық қатысушыны қамтығанын атап өтті. «Алғашқы жәрмеңкемен құттықтаймын! Бәрекелді, сіздер балаларды, ата-аналарды және қызметкерлерді, соның ішінде ӘБҚ-ны қамтитын іс-шара ұйымдастырдыңыздар. Мықты идеялар тілеймін, аталған нысанның басшылығы мен ұжымына алғыс айтамын!» – деді директор.
