Педагог жұмысы шәкірттерінің жетістігінен көрінеді. ҚР ПІБ Медициналық орталығының «Қарлығаш» балабақшасында балалардың білім, білік және дағдыларды игеруі бойынша ауқымды және жоспарлы жүргізіледі. Мұның нәтижесін балабақша тәрбиеленушілерінің халықаралық, республикалық деңгейдегі түрлі байқауларға қатысып, жеңімпаз атануынан көріп отырмыз.
«Қарлығаш» балабақшасының талантты тәрбиеленушілері жуырда халықаралық «Бала шабыт» байқауынан «Хореография» номинациясы бойынша жүлделі 1-ші орынды иеленді.
Өздерінің шығармашылық қабілетін балдырғандарымыз І дәрежелі дипломдармен марапатталған «Тіл үйрену – балабақшадан» атты республикалық көркем жазу сайысында көрсете білді.
ҚР ПІБ Медициналық орталығы балабақшасының үнемі шынығып жүретін дарынды балаларының спорттық жетістіктерін де атап өткен жөн. Кішкентайлар «Жас Самурай» чемпионатында «Көшбасшы» атағын иеленіп, «Бас Самурай» кубогын жеңіп алды. Тағы бір тәрбиеленушіміз Қазақстан кубогында таэквандодан өз жас санатында екінші орын иеленді.
«Қарлығаш» балабақшасының тәрбиеленушілері түрлі байқаулар мен жарыстарға белсенді қатысып, өз номинацияларында жоғары нәтижелер көрсетеді, бұл педагогтардың дарынды балалармен жүйелі және мақсатты жұмысын айғақтайды. Балалар мен педагогтарды лайықты марапаттарымен құттықтаймыз, жаңа жеңістер мен жетістіктер тілейміз!
