«Қарлығаш» балабақшасының балалары ата-аналарымен бірге экологиялық акцияға қатысты. Олар балабақша аумағында ағаш көшеттерін екті. Экологиялық игі іс-шараға балабақшадағы 8 топтың балалары мен олардың ата-аналары қатысты. Аталған акция 1 ай бойы жүргізілді. Осы уақыт аралығында қатысушылар балабақша ауласын шырша, қара ағаш, шие секілді 11 дана ағашпен толықтырды.
Міне, осылайша, тәрбиеленушілеріміз табиғатты, соның ішінде өзі келетін балабақшаның айналасын көркейтіп-көгалдандыруға үлес қосты. Ағаштарды ата-аналар өз қаржысына сатып алды. Бастысы, бұл – балаларға көрсеткен үлкен тәрбие. Сондықтан тәрбиелі де еңбекқор балалар мен оларға үлгі бола білген ата-аналарына алғыс айтамыз!
