Біздің «Үздік қызметкер» айдарының бүгінгі кейіпкері - Есенгельдиева Лазат Турсынбайқызы. Педагог «Қарлығаш» балабақшасында 2014 жылдың қарашасынан бастап қызмет атқарып келеді, біліктілігі жоғары санаттағы тәрбиеші.
Лазат Турсынбайқызы балаларға ілтипатты, қамқор сезіммен қарайтын, баланың жеке тұлғасын құрметтейтін педагог. Тәрбиелеу-оқыту процесін балаларының жас ерекшеліктеріне сай жоспарлап, психологиялық ерекшеліктерін жеке ескеріп отырады. Лазат Турсынбайқызы балаларды ұлттық ойындар арқылы адамгершілікке тәрбиелеп, өз халқының тарихын, жерін, әдет-ғұрпын, салт-дәстүрін көрсете алды. Балаларға ұлттық ойындарды үйрету арқылы әділдікке, достыққа, сыйластыққа, кішіпейілділікке баулуда.
Лазат Турсынбайқызы әрқашан тәрбиелеу-оқыту процесі бойынша ақпараттармен, жетістіктерімен әріптестерімен бөлісіп отырады. Тәжірибесі мен шеберлігі үшін марапаттауларға ие:
- «Үркер» IQ орталығының дипломы;
- ҚР ПІБ МО «Қарлығаш» балабақшасының алғыс хаты;
- Нұр-Сұлтан қаласының әкімдігінің алғыс хаты.
Лазат Турсынбайқызы, қоғамдық жұмыстарға белсене қатысатын, ұжым арасында беделді, сыйлы маман.
