ҚР Ұлттық мерекесі Республика күнінде «Қарлығаш» Балабақшасының бірқатар үздік қызметкерлеріне алғыс хаттар мен Құрмет грамоталары табысталды.
Денсаулық сақтау саласындағы еңбек табыстары мен жетістіктері үшін медбике Бекмұратова Бағымгүл Қазақстан Республикасы Денсаулық сақтау министрлігінің «Денсаулық сақтау ісіне қосқан үлесі үшін» төсбелгісімен марапатталды. Сондай-ақ, Қазақстан Республикасы Денсаулық сақтау министрінің Құрмет грамотасымен Мырзыкешова Маржан Қасымовна марапатталды. Ибраева Жамиля Қазақстан Республикасы Денсаулық сақтау министрінің Алғыс хатына ие болды.
Қазақстан Республикасы Президенті Іс басқармасының Құрмет грамотасымен іс жүргізу жөніндегі жетекші маман Оспанова Сауле, тәрбиеші Шманова Асыл марапатталды. Дене шынықтыру жөніндегі нұсқаушы Гуляренко Татьяна, электрик Исмурзин Диас Қазақстан Республикасы Президенті Іс басқармасының Алғыс хатымен марапатталды.
