«Үздік қызметкер» айдарының бүгінгі кейіпкері – Атканова Зубаржат Дәулетбекқызы

Басты қағидасы – баланы жақсы көру мен мейірімділік таныту. Зубаржат Дәулетбекқызы №1 «Қарлығаш» балабақшасында 2011 жылдан бастап қызмет атқарып келеді, біліктілігі жоғары санаттағы тәрбиеші. Жалпы еңбек өтілі – 27 жыл. Тәжірибелі маман жұмыс барысында мнемотехника, дидактикалық ойындар арқылы балалардың сөйлеуін дамытуға арналған жұмыстарды жүргізеді. Балалармен жұмыс барысында өз қолымен тігіп, дайындалған ертегілер, дидактикалық ойындарды қолданады. Зубаржат Дәулетбекқызы жұмыс барысында тілдік ортаға бойлау әдісі қолданылады. Балалардың сөйлеу мәдениетін қалыптастыруға, дыбыстарды анық айтып, сөйлемді байланыстыра сөйлеуіне назар аударады. үнемі өзінің кәсіби деңгейін арттырып отырады. Тәжірибесі мен шеберлігі үшін марапаттауларға ие: - Қазақстан Республикасының Білім және Ғылым Министрі А.Аймағамбетовтың грамотасы. - ҚР ПІБ құрмет грамотасы. Зубаржат Дәулетбекқызы балалар жақсы көретін, ата-аналар мен ұжымда сыйлы маман.