«Үздік қызметкер» айдарының бүгінгі кейіпкері – Сабира Махамбетова

Сабира Зекеновна Махамбетова ҚР ПІБ Медициналық орталығының №3 «Қарлығаш» балабақшасының мектепалды даярлық тобының жоғары санаттағы тәрбиешісі. Жалпы еңбек өтілі – 26 жыл, оның ішінде «Қарлығаш» балабақшасында істегеніне 7 жыл. – Мен мамандық таңдаудан қателеспедім деп айта аламын. Тәрбиеші мамандығын таңдаған себебім балалармен жұмыс істегенді жақсы көремін. Мамандығым өзіме ұнайды әрқашан жаңа идеялар, әдістер қолданып балаларға іс-әрекет арқылы жеткізуге күш саламын, – дейді Сабира Махамбетова. Тәжірибелі маман балабақша қабырғасынан екі шығарылым жасады. Келесі жылы үшінші топты мектепке шығаруға дайындауда. Жұмыс барысында балалардың қызығушылықтарын ескеріп, жеке тәсілді қолданады. Мектепалды даярлық тобында Сабира Махамбетова балалардың сөйлеу мәдениетін, дыбыстардың нақты айтылуын және сөйлемнің үйлесімді сөйлеуін қалыптастыруға назар аударады. Тәрбиелеу мен білім беру ісіне қосқан үлесі үшін марапаттарға ие.