ҚР ПІБ Медициналық орталығының Басшысы Алексей Цой жаңа жылдық ертеңгілікке қатысты

ҚР ПІБ Медициналық орталығының Басшысы Алексей Цой «Қарлығаш» балабақшасындағы жаңа жылдық ертеңгілікке қатысып, "Дарын" мектепалды даярлық тобының өнерін тамашалады. Сондай-ақ, шара барысында балаларды келе жатқан Жаңа жылмен құттықтай отырып, оларға зор денсаулық және барлық тілектерінің орындалуын тіледі. Жаңа жылдық қойылымдар кезінде мереке, сиқыр атмосферасы орнады. Ертеңгілік соңында Алексей Цой бүлдіршіндерге сыйлықтар тарту етті.