ҚР ПРЕЗИДЕНТІ ІС БАСҚАРМАСЫ МЕДИЦИНАЛЫҚ ОРТАЛЫҒЫ «ҚАРЛЫҒАШ» БАЛАБАҚШАСЫНДА ЖАҢАЖЫЛДЫҚ ЕРТЕҢГІЛІКТЕР ӨТУДЕ

Жаңа жыл – балалардың ең сүйікті, көңілді және сиқырлы мерекелерінің бірі. «Қарлығаш» балабақшасының барлық нысандарында ерекше атмосфера орнаған жаңа жылдық ертеңгіліктер өтуде. Бүлдіршіндер ертегі кейіпкерлерімен бірге көңіл көтеріп, мерекелік оқиғаларға толы атмосфераға еніп, қызықты ойындар мен қойылымдарға үлкен қызығушылықпен қатысты. Аяз Ата келгенде шыршаның айналасында ән мен би, қойылымдар басталды. Балалар Аяз Атаға өз өнерлерін көрсетіп, жаңа жылдық сыйлықтарға ие болды. Жаңа жыл қарсаңында «Қарлығаш» балабақшасының барлық нысандарын қамтыған жаңажылдық ертеңгіліктер бүлдіршіндерді ғажайыптар мен сиқырлар әлеміне елітіп, ұмытылмас әсерлер сыйлады.