Президент Іс басқармасының Медициналық орталығының Ақтөбе облысындағы күндері аясындағы сапардың алғашқы күні «Қарлығаш» балабақшасының директоры Бейбітгүл Казакпаева бастаған делегация «№52 «Құлагер балабақшасы» МКҚК, «Айлин» жеке балабақшасы және «Ақтөбе облыстық білім алуға ерекше қажеттіліктері бар балаларға арналған арнайы (түзетім) балабақшасы» КММ-да болды. Делегация өкілдері «Құлагер «№52 балабақшасы» МКҚК экскурсия барысында балалардың белсенді қызмет орталықтары: «Тарихи баспалдақтар», «Пандора» планетасы, қауіпсіз балабақша, шеберхана мен кітапхананы аралады. «Айлин» жекеменшік балабақшасында изостудия, тұз шахтасы, Монтессори кабинеті, ағылшын және қазақ тілі кабинеттерінде болды. «Қарлығаш» балабақшасының өкілдері сондай-ақ «Ақтөбе облысының білім басқармасы» ММ «Ақтөбе облыстық білім алуға ерекше қажеттіліктері бар балаларға арналған арнайы (түзетім) балабақшасы» КММ-да болып, «Дельфа-142.1» тренажері арқылы логопедтің балалармен атқарылатын жұмысымен және «EduQuest» интеграцияланған жүйесі бойынша педагог-психологтың жұмысымен танысты.
