Балалардың денсаулығын сақтау және нығайту, сондай-ақ олардың қауіпсіздігін қамтамасыз ету үшін жағдай жасау Кәсіпорынның балабақшалары қызметінің басым бағыттарының бірі болып табылады.
Балабақшада балаларды сауықтыру, оқыту мен тәрбиелеудің кешенді тиімді жүйесін жүзеге асыру үшін қолайлы жағдайлар жасалған.
Қазіргі оқытушылар мен медицина қызметкерлерінің жұмыс тәжірибесі мол. Балабақшадағы оқу-тәрбие процесін сапалы медициналық қамтамасыз етуді: педиатр, аға медбике, санитарлық медбике көрсетеді.
Қазақстан Республикасы Президенті Іс басқармасы Медициналық орталығының Санэпидқадағалау басқармасымен келісілген, Кәсіпорын директоры бекіткен перспективалы маусымдық мәзір (жаз-күз, қыс-көктем) негізінде және оған сәйкес күніне 5 рет жүзеге асырылатын дұрыс (теңгерімді) тамақтануға ерекше назар аударылады.
Барлық тағамдарды балабақшаның ас блогында кәсіби аспаздар дайындайды.
Дені сау баланы тәрбиелеу және оның салауатты өмір салтын қалыптастыру үшін сауықтыру, күн тәртібі, қозғалыс белсенділігі, мәдени-гигиеналық дағдыларды қалыптастыру мәселелерінде бірыңғай тәсілдер сақталады.
Инфрақызыл сауна, тұз шахтасы, массаж жолдары, «денсаулық жолдары», Стрельникова бойынша тыныс алу гимнастикасы, физиопроцедуралар, Рига әдісі бойынша шынығу, Кнайп неміс технологиясының элементтері, жазғы маусымдағы су ойындары және басқа да денсаулық сақтау технологияларын қолдана отырып, сауықтыру-профилактикалық іс-шаралар - дене шынықтыру-сауықтыру бөлігінің құрамдас бөліктерінің бірі балабақшадағы жұмыстар болып табылады.
Сонымен қатар төмендегідей денсаулық сақтау технологиялары қолданылады:
•"Айкүне" сауықтыру гимнастикасы
• "Ригалық" шынықтыру әдісі
• Немістің Кнайп технологиясы бойынша сауықтыру
• Білім беру кинезиологиясы
Аурулардың қауіп факторларын және асимптоматикалық ауруларды ерте диагностикалау мақсатында балабақша тәрбиеленушілерінің check-up-тексеруден өту мүмкіндігі бар. Тексеру бағдарламасы аяқталғаннан кейін одан әрі тереңдетілген тексеру, денсаулықтағы ауытқуларды түзету, медициналық бақылаудың одан әрі стратегиясы бойынша ұсынымдар қалыптастырылады.
 |
 |
| Ағзаны шынықтыру | Тұзды бөлме |
