Өткен апта ҚР ПІБ Медициналық орталығының «Қарлығаш» балабақшасы үшін жеңістерге толы болды.
Балабақшаның жас таланттары Астана қаласында Балалар жылы аясында ұйымдастырылған музыкалық бағыттағы «Самға, Қазақстаным» республикалық байқауына қатысып, хореография номинациясы бойынша жүлделі орындарға ие болды.
«Ақжелкен», «Барыс», «Сәулем-ай» және «Самұрық» мектепалды даярлық топтарының тәрбиеленушілері өз шеберліктерін көрсетіп, жүлделі бірінші орынға ие болды. «Меруерт», «Жұлдыз» ересектер тобының балалары би студиясының педагогы Әсем Ерғалиеваның жетекшілігімен осы номинация бойынша екінші орынға ие болды.
Сондай-ақ, каратэ киокушин-рю республикалық аймақаралық турнирде «Жұлдыз» ересектер тобы тәрбиеленушілерінің жеңісін де атап өтуге болады. Ұйымдастырушы – «Киокушинрю каратэ федерациясы». Кәсіби тренер Талғат Аршкеновтің шәкірттері Аяна Серікжан бірінші орынға, Диас Қызыр екінші және Досымжан Ескендір үшінші орынға ие болды.
«Қарлығаш» балабақшасының тәрбиеленушілері республикалық, халықаралық конкурстардың бірнеше дүркін жеңімпаздары болып табылады.
Жас таланттарымызды құттықтаймыз!
