ҚР ПІБ Медициналық орталығының «Қарлығаш» балабақшасында Дүниежүзілік аутизм мәселесі туралы ақпаратты тарату күніне арналған іс-шаралар өтті.
Балабақшаның барлық объектілерінде ата-аналарға аутизм туралы ақпарат беру мақсатында буклеттер әзірленді. Ересек және мектепалды даярлық топтары ерекше балалар туралы ақпарат алып, олардың мінез-құлқы туралы баяндалған мультфильмді тамашалады. Сондай-ақ, ата-аналар «Біз басқамыз, бірақ біз теңбіз» тақырыбында сурет салып, аутизм белгілері бар балалармен қарым-қатынас құру, отбасында осындай диагнозы бар баланы тәрбиелеу туралы әңгіме өрбітті.
Бұл күні балалар мен ата-аналар көк түсті киім киіп, көк ленталар байлады, себебі көк түс аутизмнің халықаралық символы болып саналады. Іс-шараның мақсаты – аутизм спектрінің бұзылуының алдын алу, ерте диагностикалау және емдеу мәселелеріне жұртшылықтың назарын аудару, медициналық көмекке уақтылы жүгінудің маңыздылығы туралы хабардар ету мен салауатты өмір салтын насихаттау.
