ҚР ПІБ Медициналық орталығының «Қарлығаш» балабақшасының №1 объектісінде ата-аналардың қатысуымен «Ата мұра-асыл қазына» іс-шарасы өтті. «Сәулем-ай» мектепалды даярлық тобының тәрбиеленушілері ата-аналарымен бірге 3 ауылды құрады: «Абай», «Дина Нұрпейісова», «Ыбырай Алтынсарин». Оның барысында балаларды ұлттық дәстүрлермен, ұлттық тағам түрлерімен таныстырды. Балалар өлең оқып, би билеп, ақындар айтысын да ұйымдастырды.
Шараның балалар мен ата-аналар үшін тәрбиелік мәні зор. Мақсаты – зияткерлік ұлтты тәрбиелеу жолында баланың жеке қасиеттерін дамытып-қалыптастырудағы заманауи тәрбие әдістерін ұлттық ерекшеліктермен үйлестіру.
