«Қарлығаш» балабақшасы 2022-2023 оқу жылының 12 мектепалды даярық топтарының 206 түлегін мектепке шығарып салды. Түлектерді шығарып салу шараларының біріне ҚР ПІБ Медициналық орталығының басшысы Алексей Цой қатысып, балалық шақтан болашаққа аттанғалы тұрған бүлдіршіндерге ақ жол тілеп, жылы лебізін білдірді.
-Кішкентай түлектер, педагогтер мен ата-аналар үшін бүгін ерекше күн. Балабақша қабырғасында балалардың білім мен тәрбие алуына, қабілеттерін дамытып, дарындарын ұштауға ұжым үлкен күш салды. Түлектерді өмірдегі осы маңызды кезеңге аяқ басуымен құттықтаймын. Алда сендерді көптеген қызықты мүмкіндіктер күтіп тұр. Сәт сапар, ақ жол тілеймін,- деді Алексей Цой.
Түлектер мерекесі соңында балаларға арнайы дипломдар табысталды.
