«Қарлығаш» балабақшасында №5 қорытынды педагогикалық кеңес өтіп, 2022 – 2023 оқу жылында атқарылған жұмыстар қорытындыланды.
Педагогикалық кеңес алдында келе жатқан Мемлекеттік рәміздер күніне орай, ҚР Мемлекеттік әнұраны орындалды. Содан кейін ұжым есепті мерзімде атқарылған іс-шараларды қорытындылап, жаңа оқу жылына арналған басымдықтар мен жоспарларды талқылады. Педагогикалық кеңесте әр объект меңгерушілері жылдық жоспарды орындау аясында атқарылған жұмыстар бойынша есеп берді.
«Қарлығаш» балабақшасының директоры Бейбітгүл Қазақпаева өз баяндамасында педагогикалық ұжым қызметінің негізгі аспектілерін қозғай отырып, 2022-2023 оқу жылында атқарылған жұмыстарды қорытындылап, жоспарларды пысықтады. Сонымен қатар, есепті мерзімде атқарылған жұмыстар бойынша 7 қызметкерге алғыс хаттар мен құрмет грамотасы тапсырылды.
Педагогикалық кеңес өте нәтижелі әрі мазмұнды өтті. Кеңес соңында балабақша басшысы ұжымды оқу жылының сәтті аяқталуымен құттықтап, шығармашылық табыс тіледі.
