«Педагог жетістігі» айдарының кейіпкері «Қарлығаш» балабақшасының әдіскері Ботагөз Ботбаева.
22 жылдық педагогикалық өтілі бар Ботагөз Ботбаева балабақшада 10 жыл еңбек етіп келеді, педагог-модератор. Балабақшаға алдымен тәрбиеші болып орналасып, кейін тәрбие және білім беру бөліміне әдіскер қызметіне ауысты.
Ботагөз Зайнуллақызы педагогтерге оқу қызметін ұйымдастыру мен жоспарлауда әдістемелік көмек, тәжірибелік кеңестер беріп, шығармашылық ізденулеріне көмек көрсетіп келеді. Балаларды тәрбиелеу мен оқыту ісінде үлкен тәжірибеге ие білікті маман, көшбасшы.
Әдіскердің жетістіктері:
- «Театр өнері арқылы мектеп жасына дейінгі балалардың шығармашылық белсенділігін дамыту» әдістемелік құралының құрастырушысы;
- «Вместе на природу» әдістемелік құралының авторы.
- 2022 жылғы маусым айында өткен «Назарбаев Зияткерлік мектептері» ДББҰ конференциясының спикері.
Білікті маман педагогикалық істегі тәжірибесі мен шеберлігі үшін Астана қаласы әкімдігі, ҚР Президент Іс басқармасы, ҚР ПІБ Медициналық орталығының және «Қарлығаш» балабақшасының Алғыс хаттарына ие болды.
