Жаңа оқу жылының басталуына арналған педагогтердің тамыздағы дәстүрлі басқосуы «Digital Kazakhstan: заманауи білім беру» тақырыбында Саммит форматында өтті.
Тамыз саммиті цифрландыруға және әлемдік тәжірибені ескере отырып, сабақ беру процесіне жасанды интеллектті енгізу ерекшеліктеріне арналды.
Саммит аясында жасанды интеллектті қолдана отырып жасалған цифрлық өнімдердің білім беру көрмесі ұйымдастырылды. Сондай-ақ, білім беру саласындағы жетекші және шетелдік сарапшылардың қатысуымен пленарлық және секциялық отырыстармен қатар шеберлік сабақтары өтті.
Іс-шараға ҚР ПІБ МО «Қарлығаш» балабақшасы» директордың оқу-тәрбие жұмысы жөніндегі орынбасары Алма Карабаева қатысып, «Мектепке дейінгі ұйымдағы цифрлық орта: мүмкіндіктері мен перспективалары» тақырыбында ақпаратпен бөлісті.
