2024–2025 оқу жылынан бастап «Қарлығаш» балабақшаларында мектепке дейінгі топтар үшін математика және ағылшын тілін оқытуға арналған «Сингапур» бағдарламасы енгізіліп, сынақтан өткізілуде. Бағдарламаны жүзеге асыру аясында барлық балабақшада мектепке дейінгі топтар үшін математика және ағылшын тілі кабинеттері ашылып, қажетті оқу құралдарымен жабдықталды.
Сингапурдың мектепке дейінгі бағдарламасы белсенді, кіріктірілген және балаға бағытталған оқыту арқылы тәлім алушылардың математикалық және тілдік дағдыларын дамыту үшін озық тәжірибелерді біріктіреді. Ол әрбір баланың ерте жастан бастап болашақта оқу пәндерін ойдағыдай меңгеруіне қажетті негізгі дағдыларды қалыптастыруды көздейді.
«SG Education» ЖШС Қазақстандағы Marshall cavendish білім беру компаниясының өкілдері балабақша педагогтері үшін келесі тренингтерді ұйымдастырды:
1.«Сингапурдың мектепке дейінгі оқыту бағдарламасы бойынша математика және ағылшын тілі» тренингі
2. «Workshop on Singapore Science & Math»
Биылғы жылдың қаңтар айынан бастап мектепке дейінгі топтарда Сингапур әдістемесін қолдану бойынша ашық сабақтар өткізілуде.
