Форумға ҚР Оқу-ағарту министрлігінің Балаларды ерте дамыту институтының өкілдері, Норвегия мен Әзербайжан елдері мамандары, сондай-ақ Қазақстанның мектепке дейінгі білім беру саласының педагогтері қатысты. Форумда спикерлер балалардың иммунитетін нығайтуға және мектепке дейінгі мекемелердегі аурушаңдықты азайтуға бағытталған бірегей әдістемелерді ұсынды.
«Қарлығаш» балабақшасының директоры Гүлшат Онланбекқызы мектепке дейінгі білім беру жүйесіне сауықтыру тәжірибелерін енгізудің маңыздылығы туралы баяндама жасап, осындай іс-шаралардың тәжірибе алмасу және кәсіби дамудағы рөлін атап өтті.
Форум қатысушылардың негізгі мәселелерді талқылап, әрі қарай ынтымақтастық жолдарын белгілеуімен аяқталды.
