Балабақша – тек ойын ойнайтын жер емес. Мұндағы әрбір бала әлемді білуге ұмтылатын кішкентай зерттеуші. Сол ұмтылысты қолдау мен дамыту – тәрбиешінің басты міндеті. Балалардың танымдық белсенділігін дамытудың заманауи әдістері және үздік әлемдік тәжірибелер туралы El.kz порталында ҚР ПІБ Медициналық орталығының «Қарлығаш» балабақшасының педагог-модераторы Жаңагүл Маратқызы сұхбат берді.
Цифрлық технология мен қарқынды өзгерістер дәуірінде қоғамда жиі қойылатын сұрақ: заманауи мектепке дейінгі білім беру қандай болу керек? Осындай сұрақтарға «Қарлығаш» балабақшасы өз жауабын ұсынады: білім берудің бастауы – баланың қызығушылығында.
«Қарлығашта» білім беру процесі ойын арқылы, еркін таңдау мен баланың логикасына құрмет көрсету арқылы жүзеге асады. Мұнда басты назар танымдық белсенділікті дамытуға аударылады – яғни, баланы бақылауға, сұрақ қоюға, зерттеуге итермелейтін ішкі ынтаға.
«Қарлығаш» педагогтары ұлттық дәстүрлер мен қазақы құндылықтармен үйлестіре отырып STEAM, Реджо Эмилия заманауи халықаралық әдістемелерді қолданады. Оқыту білім беру процесіне емес, таңдану мен ашылу кеңістігіне айналады.
Дәл осы тәсіл «Қарлығаш» балабақшасының визиттік карточкасына айналған авторлық «Бастау» бағдарламасының негізінде жатыр. Бағдарлама — баланың ерте дамуындағы төрт негізгі бағытты қамтитын кешенді модель: танымдық, эмоциялық-әлеуметтік, шығармашылық және физикалық даму.
«Бала – ұшуға дайын қарлығаш. Біз тек қанат бітіруге көмектесеміз», – педагог Жаңагүл Маратқызы айтуынша. Бұл сөздер – бүкіл философияның өзегі. Себебі әр бала дүниеге қанатпен келеді. Мәселе – сол қанатты дер кезінде жайып ұшыруда.
Сұхбаттың толық нұсқасын мына сілтеме арқылы оқи аласыздар: https://el.kz/balanyn-tanymdyq-belsendiligin-qalay-arttyruga-bolady-tarbieshi-kenesi_400030245/
