Қазақстан Республикасының Конституциясының 30 жылдығына орай ҚР ПІБ Медициналық орталығының «Қарлығаш» балабақшасының қызметкерлері адал еңбегі, кәсіби шеберлігі және мектепке дейінгі білім беру жүйесінің дамуына қосқан елеулі үлесі үшін марапатталды.
Марапаттау ұжымның еңбегін жоғары бағалаудың айқын дәлелі болды. Әрбір қызметкер – басшылықтан бастап шаруашылық бөлімінің мамандарына дейін – мекеменің дамуына өз үлесін қосады. Осы еңбектің арқасында «Қарлығаш» мектепке дейінгі білім беру саласындағы үздік тәжірибелерді көрсететін ұлттық алаң ретінде танылды. Марапаттарды Қазақстан Республикасы Президенті Іс басқармасы Медициналық орталығының басшысы А. Цой табыс етті.
Марапат алғандар қатарында:
1. «Қарлығаш» балабақшасының директоры Гульшат Онланбекқызы – «Үздік еңбегі үшін» төсбелгісі;
2. Кадр бөлімінің жетекші маманы Оспанова Сауле Таскимбаевна – «Үздік еңбегі үшін» төсбелгісі;
3. Кадр бөлімінің маманы Искакова Рауза Бактыбаевна – «Үздік еңбегі үшін» төсбелгісі;
4. Бас бухгалтер Бабашова Дәрия Сатыбалдықызы – «Қаржы саласының үздігі» төсбелгісі;
5. Құжат айналымы маманы Адай Бұлбұл – «Ана тілін дамытуға қосқан үлесі үшін» төсбелгісі;
6. Архивариус Канафина Гүлнар Амангелдіқызы – «Архив саласының үздігі» төсбелгісі;
7. Цифрландыру басқармасының басшысы Омаров Женіс Молдағалиұлы – «Үздік цифрландырушы» төсбелгісі;
8. Жүргізуші Шахупов Қанат Таңатарұлы – «Үздік автокөлікші» төсбелгісі.
Қызметкерлер үшін бұл марапат олардың күнделікті еңбегін, жоғары кәсіби шеберлігін және балабақшаның қызметін дамытуға қосқан үлесін мойындайтын маңызды бағалау болды. Алынған наградалар балабақшаның мерейтойлы жылы үшін ерекше мәнге ие болып, жаңа идеялар мен жетістіктерге ынталандырды.
Марапаттау рәсімі жылы әрі мерекелік атмосферада өтті, ұжымды ортақ құндылықтар - адал еңбек, кәсіби шеберлік және даму тілегі - айналасына біріктірді.
