Бүгін Қазақстан Республикасы Президенті Іс басқармасы Медициналық орталығының «Қарлығаш» балабақшасында Perspective Elementary School мектебі мен өзара ынтымақтастық туралы Меморандумға қол қою салтанатты рәсімі өтті.
Бұл құжат екі білім беру ұйымының келісімінен де кең мағынаға ие: ол мектепке дейінгі және бастауыш білім беру жүйесін ұзақ мерзімді дамытуға, озық әдістемелерді енгізуге және жаңа білім беру шындығын қалыптастыруға бағытталған стратегиялық альянстың бастауы болып табылады. Ынтымақтастық аясында ауқымды бірлескен жобаларды жүзеге асыру, білім берудің сабақтастығын нығайту және әр отбасы мен әр бала ең жоғары тәрбие мен білім стандарттарына қол жеткізе алатын орта құру көзделген.
Оқиғаның маңызын арттыратыны – меморандумға қол қою рәсімі Қазақстан Республикасының Конституциясына 30 жыл толуына орай ұйымдастырылуы. Конституция – ел бірлігінің, тұрақтылығының және болашаққа ұмтылысының нышаны. Осыған байланысты меморандум тек білім беру бастамасы ғана емес, сонымен қатар Конституция құндылықтарын дамытуға – адамға қамқорлық жасауға, тең мүмкіндіктерге және болашақ ұрпақ алдындағы жауапкершілікке қосылған жарқын үлес болып табылады.
Меморандум «Қарлығаш» балабақшасының стратегиялық педагогикалық инновацияларды енгізу жөніндегі ұлттық флагмандық алаң ретіндегі мәртебесін бекітіп, еліміз деңгейіндегі көшбасшылығын айқындайды. Perspective School-мен бірлескен бастамалар Қазақстанның XXI ғасырдың жаһандық сын-тегеуріндеріне сай мықты, инновациялық әрі бәсекеге қабілетті білім беру кеңістігін қалыптастыру жолындағы жаңа серпін болмақ.
