ҚР Президенті Іс басқармасы Медициналық орталығының «Қарлығаш» балабақшасының №1 және №3 нысандарында балалар мен қызметкерлердің қауіпсіздігін қамтамасыз етуге бағытталған жүйелі жұмыстар аясында Полиция департаментінің өкілдерімен кездесу ұйымдастырылды.
Іс-шараның негізгі мақсаты - қызметкерлердің ақпараттылығын арттыру, қауіп-қатер жағдайында дұрыс әрекет етуге дайындығын күшейту. Дәріс барысында полиция қызметкерлері терроризмге қарсы қауіпсіздіктің негізгі қағидалары мен шараларын түсіндіріп, қауіптердің алдын алу тәсілдері мен төтенше жағдай кезіндегі нақты қадамдық іс-қимыл алгоритмдерін таныстырды.
Сонымен қатар, мамандар төтенше жағдайлар кезінде жедел әрекет ету, құқық қорғау органдарымен өзара байланыс орнату және әрбір қызметкердің қауіпсіз орта қалыптастырудағы жауапкершілігі туралы жан-жақты ақпарат берді.
Бұл шара қызметкерлердің практикалық дағдыларын жетілдіруге, жалпы қауіпсіздік деңгейін көтеруге және білім беру ұйымдары мен құқық қорғау органдары арасындағы әріптестік ынтымақтастықты нығайтуға ықпал етті.
«Қарлығаш» балабақшасының ұжымы Полиция департаментіне мазмұнды дәріс пен қауіпсіздікті қамтамасыз ету бағытындағы қолдауына алғыс білдіреді.
