Қазақстан Республикасы Президенті Іс басқармасы Медициналық орталығының Түркістан облысында өткен күндері аясында «Қарлығаш» балабақшасының басшылығы мен мамандарының жұмыс сапары ұйымдастырылды.
Сапардың мақсаты – мектепке дейінгі білім беру саласында өңіраралық кәсіби ынтымақтастықты дамыту, тәжірибе алмасу және заманауи білім беру мен басқару тәжірибелерін таныстыру.
Жұмыс бағдарламасы аясында Түркістан облысы Білім басқармасының басшылығымен кездесу өтті. Кездесу барысында әріптестік байланыстар орнату, кәсіби тәжірибе алмасу және өзара ынтымақтастық туралы меморандумға қол қою перспективалары талқыланды.
Сапар барысында делегация «Бөбек», «Балғын», «Толағай» мемлекеттік балабақшаларына, сондай-ақ «Алтын жебе» жеке балабақшасына барды. Екі мемлекеттік мектепке дейінгі ұйымның базасында «Қарлығаш» балабақшасындағы инновациялық технологиялар» тақырыбында тәжірибе алмасу форматында дөңгелек үстелдер өткізілді. Іс-шаралар барысында балабақшаның білім беру моделі, тәрбиелеу-білім беру үдерісін ұйымдастырудың заманауи тәсілдері және инновациялық әдістемелерді енгізу тәжірибесі таныстырылды. Кездесулер педагогтермен ашық кәсіби диалог форматында өтті.
26 ақпанда №34 «Келешек» мектебінің базасында Түркістан облысының аудан-қалаларынан келген мектепке дейінгі ұйымдардың педагогтерінің қатысуымен облыстық семинар-практикум өтті. Семинарға шамамен 100 маман қатысты. Іс-шара барысында «Қарлығаш» балабақшасының қызметі таныстырылып, білім беру ортасының ерекшеліктері мен басқарушылық шешімдердің тиімділігі көрсетілді. Сонымен қатар сингапурлық оқыту әдістемесін енгізу тәжірибесі ұсынылып, тәрбиелеу-білім беру үдерісін жетілдіруге арналған заманауи тәсілдер бойынша шеберлік сабағы өткізілді.
Сонымен қатар Қожа Ахмет Ясауи атындағы Халықаралық қазақ-түрік университетінде университет басшылығымен кездесу өтті. Кездесу барысында ғылыми-әдістемелік ынтымақтастықты дамыту, студенттердің педагогикалық практикасын ұйымдастыру және бірлескен білім беру жобаларын іске асыру мәселелері талқыланды. Кездесу қорытындысы бойынша өзара ынтымақтастық туралы меморандумға қол қойылды.
Жұмыс сапары өңіраралық кәсіби өзара іс-қимылды кеңейтуге, педагогикалық қауымдастық арасындағы кәсіби диалогты нығайтуға және «Қарлығаш» балабақшасының озық тәжірибесін өңірлік деңгейде таныстыруға мүмкіндік берді.
