«Таза Қазақстан» республикалық экологиялық бастамасы аясында Қазақстан Республикасы Президенті Іс басқармасының Медициналық орталығына қарасты «Қарлығаш» балабақшасының нысандары аумағында сенбілік өткізілді.
Іс-шараға 190 қызметкер қатысты. Жұмыстар барлық нысандардың аумағында ұйымдастырылып, санитарлық тазалау, абаттандыру және аумақты күзгі кезеңге дайындау бағыттарын қамтыды.
Сенбілік барысында қураған ағаштар мен бұтақтар, түскен жапырақтар жиналып, аумақ тазаланып, сыпырылды. Жұмыс нәтижесінде барлығы 105 қап қоқыс жиналып, шығаруға дайындалды. Сонымен қатар беседкаларды сырлау және абаттандырудың жекелеген элементтерін ретке келтіру жұмыстары жүргізілді.
Сенбілік «Қарлығаш» нысандарының барлық аумағын қамтыды. Жүргізілген жұмыстар аумақтың санитарлық жағдайын тиісті деңгейде ұстауға, маусымдық тазалау жұмыстарын уақтылы жүргізуге және абаттандыру элементтерінің жай-күйін жақсартуға бағытталды.
Іс-шара «Қарлығаш» ұжымының «Таза Қазақстан» республикалық бастамасына қатысуы аясында ұйымдастырылды.
