ҚР ПІБ Медициналық орталығының «Қарлығаш» балабақшасы ШЖҚ РМК базасында арнайы «Қарлығаш» түзету-дамыту орталығы өз жұмысын бастады. Бұл жаңа құрылымдық бөлімше ерекше білім беру қажеттіліктері бар балаларға жан-жақты қолдау көрсету үшін медициналық, психологиялық және түзету-педагогикалық ресурстарды бір арнаға тоғыстырды.
Жаңа орталықтың басты ерекшелігі – біртұтас дамытушы ортаны қалыптастыруында: барлық кешенді диагностика, түзету жұмыстары және сауықтыру шаралары балаларды негізгі білім беру процесінен ажыратпай, тікелей балабақша қабырғасында жүргізіледі.
Заманауи инфрақұрылым мен жабдықталуы тиісті арнайы бөлмелердің толық жиынтығын қамтиды. Орталықта жоспарлы тексерулер мен жедел диагностика жүргізуге арналған check-up кабинеті, психоэмоционалдық кернеуді басуға арналған сенсорлық бөлме, сондай-ақ физикалық төзімділік пен моториканы дамытуға арналған ЕФК/АФК аймағы жұмыс істейді. Индивидуалды сабақтар үшін психолог, логопед және дефектолог кабинеттері толық жабдықталған. Интерактивті және ойын терапиясында заманауи технологиялар – сенсорлық еден, жарық және интерактивті құмсалғыштар, сондай-ақ жұмсақ модульдері мен құрғақ бассейні бар ойын аймақтары кеңінен қолданылады.
Команданың мультидисциплинарлы тәсілі әртүрлі саладағы білікті мамандардың басын қосады. Штат құрамына педагог-психологтар, логопедтер, дефектологтар, нейропсихологтар, АВА-терапия және ЕФК/АФК мамандарымен бірге медицина қызметкерлері: педиатр, балалар неврологы, реабилитолог, функционалдық диагностика дәрігері мен массаж жасаушы енгізілген.
«„Қарлығаш“ орталығының ашылуы балалардың жеке ерекшеліктерін ескере отырып, оларға ерте әрі жан-жақты қолдау көрсетуге жаңа мүмкіндіктер ашады. Балабақша ішінде дәрігерлер мен педагогтердің біліктілігін біріктіру жоғары деңгейдегі диагностиканы қамтамасыз етіп қана қоймай, әрбір бала үшін стресссіз, мейлінше жайлы орта қалыптастырады», – деп атап өтті тәрбие-білім беру қызметі жөніндегі директордың орынбасары Айгүл Стыбаева.
Даму перспективалары мен қызмет ауқымын кеңейту қазіргі кезеңде балабақша тәрбиеленушілерін қамтып, оларға түзету-дамыту және консультациялық көмектің толық кешенін ұсынуда. Алдағы уақытта алты арнайы кабинеті бар екінші аналогикалық орталықты ашу және қызмет түрлерін сырттан келетін қонақтарға да кезең-кезеңімен ұсыну жоспарланып отыр.
