2026 жылғы 5 маусымда Қазақстан Республикасы Президенті Іс басқармасы Медициналық орталығының «Қарлығаш» балабақшасында барлық үш балабақша нысанының басшылары, әдіскерлері мен педагогтері қатысқан «Оқу жылының қорытындысы: жетістіктер, даму, перспективалар» тақырыбындағы №6 педагогикалық кеңес өткізілді.
Педагогикалық кеңестің мақсаты 2025–2026 оқу жылындағы балабақшалар қызметінің нәтижелерін талдау, қол жеткізілген жетістіктер мен алдағы даму перспективаларын айқындау, заманауи білім беру технологиялары мен бағдарламаларын енгізу тиімділігін бағалау, сондай-ақ педагогикалық ұжымдар арасындағы кәсіби өзара іс-қимылды нығайту болды.
Іс-шараның ерекшелігі оның Блум таксономиясына сәйкес ұйымдастырылуында болды. Бұл қатысушыларға қызметтің негізгі көрсеткіштерін талдап қана қоймай, білім беру үдерісін одан әрі жетілдіруге бағытталған практикалық шешімдер әзірлеуге мүмкіндік берді.
Педагогикалық кеңес барысында 2025–2026 оқу жылындағы балабақшалар қызметінің қорытындылары шығарылып, тәрбиеленушілердің қатысу көрсеткіштері, білім беру үдерісінің сапасы, қосымша білім беру қызметтерімен қамту деңгейі, ата-аналардың қанағаттанушылығы және кадрлық әлеуеттің дамуы сараланды. Сонымен қатар педагогтердің қызмет тиімділігін КПЭ жүйесі арқылы бағалау, «Бастау» авторлық бағдарламасын, сингапурлық білім беру технологияларын енгізу нәтижелері мен эксперименттік алаңдардың жұмысына ерекше назар аударылды. Спикерлер табысты тәжірибелер мен педагогикалық ұжымдардың жетістіктерін таныстырып, алдағы оқу жылына арналған басым даму бағыттарын белгіледі.
Сондай-ақ кеңес аясында ағылшын тілі мен математиканы оқытуда сингапурлық технологияларды қолдану тәжірибесі, «Бастау» авторлық бағдарламасының нәтижелері және эксперименттік алаңдардың қызметі талқыланды. Қатысушылар инновациялық тәсілдерді мектепке дейінгі білім беру тәжірибесіне одан әрі енгізу және тарату мәселелері бойынша пікір алмасты.
Педагогикалық кеңес барысында балабақша меңгерушілері жазғы сауықтыру кезеңіне арналған жоспарларын таныстырып, ұйымдастырушылық іс-шаралар, тәрбие-білім беру жұмысы және тәрбиеленушілерді профилактикалық-сауықтыру шараларымен қамту бағыттары бойынша ақпарат берді.
Педагогикалық кеңестің маңызды сәттерінің бірі кәсіби жетістіктері арқылы мектепке дейінгі білім беру жүйесінің дамуына елеулі үлес қосқан қызметкерлерді марапаттау рәсімі болды. Оқу жылының қорытындысы бойынша педагогикалық қызметтің түрлі бағыттарын қамтитын номинациялар бойынша үздіктер анықталды.
«Жылдың үздік спикері» номинациясымен Жаңагүл Еркебай, Назира Мырзабаева, Данагүл Сайдалинова, Мирамгүл Найманбаева, Ернар Жұмамуратов және Анна Северина марапатталды. «Кәсібилік қаламы» номинациясына Ойниса Арифджанова, Татьяна Гуляренко, Жайнагүл Дүйсенбаева және Айнұр Дәлелхан ие болды. «Сенім көпірі» номинациясында Гүлсара Мәмбеталиева, Айгерім Әжепова, Айгүля Түкешова және Жанат Матиева атап өтілді. «Озық тәжірибе жаршысы» номинациясы бойынша Саулеш Шапауова, Жұлдыз Нуранова және Әсемгүл Әзирахмет марапатталды. Ұйымның қоғамдық өміріне белсенді қатысқаны үшін Данагүл Әбенбаева, Айгерім Кемелова және Нұргүл Жұманова марапатқа ие болса, «Ұжым жүрегі» номинациясы Акерке Құрманова, Марина Полищукова және Бибігүл Елеуоваға табысталды.
«Балалар бастамасының жетекшісі» номинациясы тәрбиеленушілері түрлі байқаулар мен шығармашылық жобаларда жоғары нәтижелер көрсеткен педагогтерге берілсе, «Медиа кеңістік көшбасшысы» атағы ұйымның оң ақпараттық имиджін қалыптастыруға белсенді үлес қосқан педагогтерге табысталды.
Сондай-ақ жоғары кәсібилігі, тиімді басқаруы, корпоративтік мәдениетті дамытуы және педагогикалық ұжымдарға әдістемелік қолдау көрсетуі үшін әдіскерлер мен балабақша басшылары арнайы номинациялармен марапатталды.
Педагогикалық кеңес қорытындысы бойынша қатысушылар №1, №2 және №3 балабақшалар педагогикалық ұжымдарының 2025–2026 оқу жылындағы қызметін қанағаттанарлық деп танып, тиімді білім беру тәжірибелерін жүйелі түрде енгізуді жалғастыру, эксперименттік алаңдардың жұмысын одан әрі дамыту және жаңа оқу жылын жоспарлау барысында кеңес барысында ұсынылған бастамалар мен ұсынымдарды ескеру туралы шешім қабылдады.
